Главная » 2008 » Октябрь » 3 » 03.10.08 Поздравление главы Яльчикского района Н.П.Миллина с Днем учителя
03.10.08 Поздравление главы Яльчикского района Н.П.Миллина с Днем учителя
22:42
Хисеплĕ вĕрентекенсем, педагогика ĕçĕн ветеранĕсем!
Сире чĕререн професси уявĕпе - Учитель кунĕ ячĕпе саламлатăп! Вĕрентекен кунĕ чăннипех те чи савăнăçлă та ырă уявсенчен пĕри. Ăна хăйсен пурнăçне çамрăк ăрăва - пирĕн пуласлăха вĕрентме тата воспитани пама халалланă çынсене халалланă. Çак кун сире ĕçтешĕрсемпе юлташăрсем, ачасемпе вĕсен ашшĕ-амăшĕ саламлаççĕ, пархатарлă ĕçĕршĕн тав сăмахĕсем калаççĕ. Эсир çак юратăва чăннипех тивĕçлĕ. Учитель тĕрлĕ енлĕ пĕлỹ парса пурнăçăн анлă çулĕ çине ярса пусма, обществăна кĕме, тăван çĕршывăн чăн гражданинĕ пулма хатĕрлет. Пиртен кашнийĕ хамăрăн вĕрентекенсене, шухăшлама тата ăнланма, йывăрлăхсене çĕнтерме, ырăпа усала уйăрма, хамăрăн вăй-хала шанма вĕрентнĕскерсене асра тытать, тав сăмахĕ калать. Паян вĕрентекенсем районăн обществăлла пурнăçне активлă хутшăнаççĕ, çамрăк ăрăва пĕлỹ парас ĕçре çĕнĕ вĕрентỹ программисене алла илеççĕ, çĕнĕ мелсемпе усă кураççĕ, наука проекчĕсене хутшăнса çитĕнỹсем тăваççĕ. Уяв ячĕпе саламласа сире çирĕп сывлăх, тулли телей, ăнăçу, çитĕнỹсем, пултаруллă вĕренекенсем сунатăп.
